ARGUMENT

AQUEST present libre per comoditat de ioines enfans, & altres de aquest pays de terra noua, de Prouensa, & d'altra part non entendent Latin es compausat en lenga materna loqual tracta d'Arimethica. Et es diuidit en quatre partidas. La premiera tracta de las quatre reglas generallas, coma, Adjustar, Substraire, Multiplicar & partir ambe la regla de tres mercanties, & compagnies ambe sas prouas & uraisas rasons del conte entier. La segonda partida tracta de totas dictas reglas en conte rot. La tersa partida de la present opera tracta de uarias reglas abreuiadas dichas Florentinas, reglas de meritis. Außi reglas de aliages appelladas alliage del soldefin. La quarta & ultima partida conten diuersas & ambigicas questions: ambe nõbre de progreßion & rasina quadrada. Außi regla de una, & de doas falsas positions, Et altras reglas bellas, per modo de recreation en Juoc. Außi altras ben acomodados a l'Aremethicqua, per atrobar l'indictiõ, l'eppata, dich Conte de Salomon. Regla de l'ornombre, Et altras anotationes, & reglas per atrobar facilment la Luna nouella en cascun mes, & aussi per atrobar facilment que letra tendren de dimengue: & außi las festas mobilas, Coma plus aplen es contengut al present libre. Fach a la utilita de aquellos que an imparat Dicta scientia, per non poder desmentegarla. Et altres que

en uolran sauper, si reformeran en
aquesta petita opera facilißima
d'entendre & lur sera
grandißima
utilita.