De que sourso as tirat ta divino elequenso
Dimì viellart Paglion, que tan ben as cantat?
A la fouont d'Helicon devers aver pescat:
Mai Torrin t'à donat lou son, e la cadenso
Certos avios rason de faire resistenso
Ai musos, tan que Mars ti tenio menassat,
Mai aro, que Mario de paour t'a liberat,
Per ben la recuglir fau rompre lou silenso.
N'autres d'armo e de cuour unis t'assisteren
Cantant vivo Mauris Mario e son Hymen,
Qu'ensens vivon cent ans amb'alegresso e gioio:
Que Lucino en noou mes li fasse aver un fis,
Que siege la terrour de tous seis enemis
E fasso redoublar vivo, vivo Savoio.
