...
De lei part de la dottrino Cristiano
D. Fes un'at de Fet.
R. Suivan la divino paraulo: Jeu crei, che en lo Sacramen de l'Eucaristio li es lo cors, lo sanc, l'anima e la divinità de Gesù Crist, vero Dieu, e vero home vieu; lo cal naissèt de Mario Vierge, e morèt su la cros per no sauvà; e aùro es adorà dai beàt en sciel, e serà lo mieu giuge apprès la muort. Ah! si, lo crei, e v'adori o mieu Gesù, e vo preghi d'accreise en jeu la fet.
...
D. Dies lo Salut Angelico.
R. Vo saludi Mario, pleno de grassio, lo Signor es embé vo: vo sias benedido tra lei fremoi, e benedit es lo fruch dou vuostre ventre Gesù. Santo Mario, Maire de Dieu, pregàs per nautre peccator aùro, e en l'oro de la nuostro muort. Ensin sio.
...
Maniero de servi ben la messo basso
Acheu, che ha da servi la messo basso, aggiudera a vesti lo Celebrant en estèn à la sieu senecco; comenserà à li puorge l'amit, li aggiuderà à si mettre l'aubo, en aussan la manego dreccio e apprès la senecco: li donnerà lo cordon, e aggiusterà l'aubo de fassòn, che reste un pau, e egalamèn auto da terro; e pi piglierà lo manipolo, lo lì donnera a bajà, e lo ligherà sotto lo bras senèc apprès li porgerà l'estólo, e a la fin li mettra la caiblo.
Piglierà lo missàu, e en anàn a l'autà l'appuyerà au bras senèc, en tenèn la part, che si duerbe, viràdo a la dreccio. Davàn de parti da la sacrestio farà embou sacerdó un'enclin profont à l'Image: se passerà davan l'autà, en lo cal sio lo Sacramèn farà genuflession embou Celebrant: e si faghesso l'Elevassiòn piglierà la berretto dou sacerdó en man (la calo non si deu giammai mettre su lo missàu) plegherà toi doi lu ginogl, e apprès la li restituirà. Arrivat a l'autà, don si deu dire la messo, en estèn a la dreccio dou Celebrant, piglierà embè la man dreccio la berretto, la mettrà en lo det piccion de la senecco, farà embou sacerdot la genuflession a plan de terro, se li serà lo sacramèn, e se non li serà, farà un enclin profont. Apprès monterà a l'autà, mettrà lo missàu serràt sobre lo coissin embè la part, che si duerbe virado ver lo calisci...