De l'Alpi i gioghi algenti, con l'amorosa face,
…
Ninfo, rasso de dious, miracle de noustre age,
Que pouortos en ton front depench aou viou l'image
De Venus, de Pallas, de Diano e d'Amour,
Que per dire en un mout, les erettiero e figlio
D'aqueou pareou d'Heros, qu'an gionch per meraviglio
Dous estremes en un de gratio e de valour,
Fermo, fermo ton pas, arresto ta carriero,
E din lou sen plus net de ma casto riviero
Qu'es casi issuchio aou font, per aver troou plourat.
Contemplo ambe ton ueigl pareigl al ueigl daou Monde
Couimo a ton arrivar mon territori abonde
De gioio, de plaser, e de felicitat.
Estoi giardins flouris, est'herbo, esto frescuro
Amb'estoi pondauras, que per don de Naturo
Senso conoisse hiver faou germinar tou l'an
Non eron ren, qu'oggets per m'accampar la gherro;
Mai piei, qu'a ton regart la Pas es sur la terro
Condis ambe ton ueigl mi serviran de pan
…
Ninfou perdounami, s'ambe aoutan de sanage,
Coumo paou de respet iou parli en mon lengage;
Cu voou discourrer ben caou que parle daou siou;
Moi sentimens son tals, que per loi fair'entendre
l'Espagnol es trop aout, lou Frances es troou tendre
Lou Touscan troou pompous: No ni a un coumo lou miou.
…
E piei, coumo que sio, ma lengo tan blaimado
Es migliour, que non par; perqu'es un ensalado
De Grec, Latin, Touscan, Espagnol, e Picart;
Roumo, Athenos, Madrigl, Orleans, e Flourenso
An communo ambe mi touto son eloquenso;
Cu voous saouper de tout saouppio parlar Nissart
…
Iou même curious de saoupre l'aventuro,
Qu'apprestava lou Cel cloous en uno figuro,
Duran loi giours d'ancuei, aou Prince ton Espous,
Trouberi, que lou sort per vio d'Astrologio,
Mestier non tougiour van, benign li proumettio
Ou Regne, ou Mariage en lou quarantodous.
…
Oh que sion benedis loi dans, e loi desastres
Que de cinc ans en sa m'an fa patir lous Astres,
Se tu de tan de maous devios esser lou bout?
Sion benedis loi plours, loi crucis, e lai penos,
Qu'an couro troou gonflat, cour issuga mai venos,
Se devion terminar en un repaous tan glout?
…