Reglament comunal de Tieri

(p. 1) ORDENANSO DE CONSEIGL

L'an milo siei cents setanto e lou quatorse de May en Thiery en conseigl publich per evitar lous daumages que venon a si causar sio per gens que per bestiary lous houmes e conseigliers han ordenat coumo seghe

1. Premierament que la montagno de Briou sera en devens dau principi de Marz fins a Nostro Damo d'Aost e qui controvera pagara miego doublo per chaquo fes. Aplicablo la mitant al Acusant e l"autro mita alla Comunitta.
2. Plus que lou bosq del Mout e della Foysso persono non en pourra tagliar davantage de quatre e n'en tagliant magior nombre senso permission della Communita pagara un escut de franso argent per chaque Aubre. Aplicable la mitan al Acusant e l'autro mitan alla Comunitta.
3. Plus que persono non pourra tagliar ni rompre lou bosq de lous gaysses sotto peno de doas liros per chaque Aubre que si gastara senso permission della Comunitta.
4. Plus que degun non pourra tagliar de lous pinateurs que si trobon dal Colle del Serre de lombard fins ala font d'Autriq, sauf per bastir e de las branchos per l'Average senso lous tagliar a la simo nuns de n'estraire dau luech senso permission della Comunitta sotto peno de doas liros per chaquo fes (aubre) aplicablo la mitan al Acusant e l'autro mitan alla Comunitta.
5. Plus sera en Devens lou Bosq de Giraud en lou qual non sera permes a persono de tagliar degun Aubre senso permission della Comunitta sotto peno d'un escut d'' per chaque aubre que si tagliara aplicable la mitta al Acusant e l'autro mitan alla Comunitta.
6. Plus que persono non pourra tagliar de boscage au boscaglion de Nostro damo del Chiae de qualonq sorto que sio sotto peno d'un escut d'or per chaquo fes aplicablo la mitan al acusant e l'autro alla Comunitta.
7. Plus que tous lous prats seran en devens dau pricipi de Martz fins a tous Sants sotto peno de doas liros per chaquo fes embe condition que sera permes pigliar lou ban o la balo.
8. (p. 2) Plus que persono non passara en lou predi d'un autre onte non aura passage sotto peno de des sous per chaquo fes.
9. Plus que degun non tagliara herbo en Ribos o predis d'autres sotto peno d'uno liro chaquo fes.
10. Plus que las vignos seran en devens tout de long tant per bestiary gros que menu sotto peno d'un escut de franso argent per chaque fes.
11. Plus que lo Bestiary sera tengu sortir dau costa de toutos las vignos lou Jourt de Dant March e non li ritornara fins a tous Sants (Sant Andrio) soto peno de doas liros per chaquo fes, la mitan ala Comunitta e l'autro mitan al Acusant.
12. Plus que persono non pourra pigliar fugates de qualenq. sorto che sio sotto peno de des sous per chaquo fes (duos liros per ciaquo fes).
13. Plus que degun non pourra introdure pchiot bestiary en lous predis d'autres sotto peno de cinq sous per chaquo bestio e per chaquo fes !de doas liros per un troupeau e de des soldi per uno ou doas bestias grosses ou menudes).
14. Plus que qui trovara Issams ou sio bruschs en terro Comuno sera tengu lou Revelar au Retour dela luminaria de CORPUS DOMINI e li donara la mitan dela seiro e non lou pourra pigliar senso permission sotto peno d'un escut per chaquo fes monedo de franso argent.
15. Plus qui fara terro gasto soulament s'en pourra servir durant cinq Ans e en apres si laisara pausar un an e puis sera au premier Ocupant.
16. Plus qui tendra un Nombre de des Cabros sera tengu las Mandar ala Cabrairo sotto peno de pagar coumo lous autres.
17. Plus qui aura Bous ou bims sera tengu lous mandar ala Boayro autament pagara coumo lous mandon.
18. Plus que degun non pourra tagliar boysses ni autre boscage sauvage en lou predi d'un autre sotto peno de des soldis per chaquo fay.
19. Plus que degun non pourra Introdure Bestiary en la Montagno de Briou (p. 3) fins a tant li sio introduchio la Boairo sotto peno d'un escut d'or aplicable la mitan alla Comunitta e l"autre al Acusant.
20. Plus que degun non pourra introdure bestiari sio gros que menut en las terros d'un Autre tant que li seran las garbos (garbairons) sotto peno d'uno liro (de doas liroi) per chaque fes.
21. Plus qui recebra un daumage sera tendu dins des jours de lou far gagiar lou danificant per lou ban autrament non s'en pourra prevaler en degun temps.
22. Plus qui tendra de porchs senso guardar e causaran de daumage pagaran doas liros de ban per chiaquo fes ou puro la balo à eletion del danificat (o puro li sera permes de lo tuar qu lo trovara al sio).
23. Plus que tout lou quartier de Doynos sera en devens e que degun non pourra rompre ni tagliar aubres senso permission dela Comunita sotto peno d'un escut d'or per chiaquo fes (e per ciaquo aubre).
24. (Plus que pigliara de hortaglio de che sorto si sio pagarra uno liro per ciaquo fes
       Honorat Audibert Bailo)
        D'ordine dela Comunitta
       et Consiglieri d'essa
        Mera notario
25. (alra ordinansa del conseglio che degun non pourra dau jour d'hui 18 de May 1749 plus isciartar en touto la mountagno de Briou sotto peno de dos escus d'or per cgaque fes che si controverra).