A monsegnior le juge maiour et lieutenant de gouvernour
Magnific et mon tres hon. segnior; yeu me recomandi a vous tant humblement que yeu peust. Receu a vostras letteras a mi per Monnet Gonnel del Vilar mandadas en ainsi com vous ay scripch autra vetz per czo, quar non puast aver lo juge, ni lo clavari non vous puast mandar las informacions que vous parlay que yeu vous mande. Car elos non sont el Puget; mas vengut que sien, yeu les vous mandarey. Item vostra litera ay mandat a Anthonie de la Rippa. Item monsegnior sapias que los hommes del Vilar non ant volgut de ren sovenir nous, so es d'argent ne de viures, per que monsegnior yeu vos mandi Paulet que placza a la segnioria vostra de mettre y remedi; car sanz fallia los compagnions me lessont ou me voglont lessar touz per czo, car non ant pogut avar ancara negon denier. Et per czo me escuse a vous mon segnior. Or autra causa en folugs, car yeu non o pues plus portar sanz argent. Et si yeu non fusse vengut aquest point la forteressa de l'Esperon restava desgarnia; per que monsegnior per Dieu entendes ma voluntat mielx que non say scriver, car sanz la vostra adiuda yeu non puis plus passar. Et de czo vous parlera Paulet plus a plain. Autra causa ne vous escrivi, mas que lo Saint Esperit sya garda de vous. Script al Vilar le xxviij d'aoust.
Vostre humil servidour. Le Segnior de Gileta.