Convencion per la construccion d'una maison a Sant Vallier

1488-04-08

Primo, a Sant Valer far et murar hun ostal en una plassa que es davant l'ostal et justa del ostal de Michel B. de lonc de sieys cannas de cau, et de larc de tres cannas demeya de cau.

Item, d'autesa de sieys cannas.

Item, en mieg de l'ostal far una paret fyn al segon solier.

Item, de cava sotta la terra, per far un sellier, quatre pals.

Item, que lo sellier aya de larc dos cannas et de lonc tres cannas et myeya de cau.

Item, de far lo solier sotran, so es lo pesenh calladat et batumat.

Item, de far hun sublier hont lod. … J. devisara.

Item, dos cortesas sive latrinas hont ellos devisaran.

Item, dos troyeras de peyra picada sive de talh.

Item, de far portas et fenestras, de celh tant quant sera necessarias hont lod. … J. devisara.

Item, de cubrir tot lo taulis, lod. Mess. J. fasent lo fusteyar et provesent de fustas et de teules a sos despens.

Item, de enblanquir dedins lod. hostal et defora enfrascar.

Item, de far las pares d'una vit defora lod. hostal jongent si ambe las pares deld. hostal, d'autesa plus una canna que l'ostal.

Item, lad. vit emblanquir da part de fora et de la cubrir coma lod. hostal, et hi fasent de pertuses per de colomps.

Item, de far un estable sive las pares tocant et ligant ambe lod. hostal, de lonc de sieys cannas de cau, et de larc de tres cannas, et d'autesa de sieys cannas, layssant al plus aut de plasas per hun colombier.

Item, de lo cubrir et de emblanquir coma lod. hostal, dedins emblanquent et de fora enfrascant.

Item, al pesenh deld. estable, massonar et calladar a dos esgos et per pet dels esgos lo murar de caus et d'arena, coma devisaran entre ellos.

Item, de far portas et fenestras necessarias en lod. estable coma devisara lod. Mess. J.

Item, que lod. Moss. J. aya et provesisca de caus, arena, fustam, e teules et de peyra necessaria sus l'obra. Item, de cordas per las estaguras et de clavahon per lo taulis.

Item, fach lo crestonh de l'ostal, de bocar las pares davant et dareyre a egal del dich crestonh et sus lod. egal far de merles lod. M. Martin sie tengut.

Item, que lod. mestre Martin aya taut solament sas mans et sos manobras e lod. Mess. J. aya tota l'avanssa.

Item, que lod. mestre Martin tot aquest hobrage deya aver fach et conplit d’ayssi a tossans prochanament venent et lod. hobrage far bon et sufficient a dicha de tot mestre et si si fondra de ho reffar a son propi despens.

Item, que lod. mestre Martin tot aquest hobrage deya aver fach et conplit d'ayssi a tossans prochanament venent et lod. hobrage far bon et sufficient a dicha de tot mestre et si si fondra de ho reffar a son propi despens.

Item, que lod. Moss. J., en nom sobred, per lod. hobrage li deya pagar cent sinquanta florins et dos sesties d'annaia et una saumada de vin; sive tres coppas de vin, pagant hobrant.