PROHEMI
Al nom de Dieu ansi sia per intrada,
Per comensar l'opera preparada
A la fasson dels notarijs facent:
Als instrumens per constuma usada
Del drech Cannon, & civil approvada,
Et per sainct Paul apostol escrivent
Als Collocens, capitol ters disent
So que fara, ou dira es condecent,
Sempre invocar la majestat Sacrada:
La pregui donc al mieu comensament,
Donne favor al mieu entendement,
Per acomplir l'opera gia pensada.
Et cogitant la scientia tant honesta
De Arismeticqua a tous non manifesta
Et profitabla a tous los vrais mercans,
Per non fachar ni se rompre la testa,
Sia nuech ou jourt obrant, ou sia la festa,
Et proffitar à tous bons escollans,
Parelhament à tous bons artesans,
Et altras gens, menant mercandies grans:
Mi suc pensat los moure de molesta,
Et los secorre d'intellect, & de mans,
Coma si deu usar de vrays christians,
Aquest libret compausar per requesta.
Conten aquest lo conte entier plenarij,
Per lurs titols nomas en lur Sommarij,
En lur reglas quattre premierament:
Reglas de tres, & reglas de contrarij,
Et compagnies, baratas, & tout vari
Conte romput: apres parelhament
Per tantas reglas de l'entier brevament,
Et apres reglas breviadas amplament,
Florentinas dichas da l'inventarij,
Et soldefin ren manchant joliament,
Pozetion falso e scricha parelment
Et a la fin reglas de bon lunarij.
Aquest libret senza gran retoriqua,
Ieu Iohan Frances Fulconis nat de antica
Deliensola: mantenent habitant,
En la Cieutat de Nissa magnifica,
Monstrant de scrieure, außi d'arismethica,
Aquest ay fach en lengage versant
De tal cieutat: Et Provensa abondant:
Car tal lengage tant al mendre que al grant
Plus comun es, d'emperar la Theoricqua,
De tot parlar, Latin, Grec, Allamant,
Italian, Frances non delaysant,
Plus facilment ung prest ha la pratica.
Pertant lectors en vostre florent age:
Que desiras scientia per heretage
De ben contar: ayans vostra intention,
Si lo fares, non pilhares domage:
Mes tal sera reputat home sage,
Quant el saupra tres ben far sa rason.
Pertant aquest vos mostra la fasson:
Non espargnes argent per vostre pron,
Aquest haver à faire vostre usage,
Si alcun error digne de reprention
Vos trobessas, Haias supportation
Car bon caval bruqua ben davantage.
Ainsi ay dich.