Ch'ario de Paradis,
Che Maestà Divino
La bellesso eblouis,
La Bontà se devino,
Sias coronado:
Tenès lou Monde en man,
sus dal trono assetado,
Rigès lou vuostre Enfan.
...
Aven la tradission,
De païre en fieu passado;
L'antico tradission,
D'un pergamin firmado,
Che vuostre image,
Es de la man de san Luc;
Cu cerco davantage
Si rompe en van lou suc.
...
Es luen de San Martin
Lou sant vuostre ermitage.
Tres ouro de camin,
Per de baùs e bouscage,
Mai per miegio ouro
Noun avès a l'entour
De vuostro demouro
Che d'erbetto e de flour.
...
Vierge, maire de Dieù
De novel vous saludi,
Vous plase e al vuostre Fieù,
Son tous lous mieus estudi,
E pi che parti,
Fes tornar a maison,
Per che mai non m'escarti
Del camin de rèson.