Sentencia arbitrala entre
Onorat Carles e Onorat Gini,
mercants drapiers

Sentencia arbitramentalis pro Honorato Caroli et Honorato Gini.

In nomine Domini amen. Anno a nativitate eiusdem millesimo quadringentesim octuagesimo tercio, indicione prima cum eodem anno sumpta, die vero decima octava mensis octobris, per hoc etc. Quod cum de et super nonnullis differeciis exortis inter honorabiles Honoratum Caroli habitatorem et Honoratum Gini alias de Vingtimillio sive Antonium eius fratrem inde cives Nicie, ipse partes compromiserunt et compromissum validum fecerunt in honorabiles viros Johannem Laugerii de Pilia et Petrum Pavie civem Nicie causis, modis et formis latius expressis in quodam publicobinstrumento supernhoc sumpto, ut prefati compromissarii asseruerunt, ad quod relatio habeatur.

Hinc igitur fuit et est quod prefati compromissarii, absentibus dictis partibus, iuxta potestatem eis ut dixerunt in dicto compromisso attributam, ad eorum arbitratum seu arbitramentalem sentenciam in scriptis processerunt prout sequitur infra.

Jhesus. Nos Johan Laugier e Peyron Pavia compromissaris sobredis etc., como sen, sic laudan, disen e pronononciam.

Et premierament sobre la rason de cannas 128 et palmos 7 de sarga et pessas .v. de draps de Lodeva donas en comenda a Honorat Gini, car trobar lo dich Honorat aver vendut de las dichas sargas cannas 42 palmos 2 que montan segon la rason donada per el la somma de forins 25, grosses 2 e d'autra part troban Antonon son frayre aver vendut las sobredichas pessas v de Lodeva per la somma de florins 55 en lo luec de Villafrancha, e vist que de las sobredichas sommas per los dis frayres resaupudas non troban lo dich Honorat Carle aver agut d'els si non florins .lxv. de veritat et plus florins 2 grosses 4 que li tocan per la mitat de las despenssas fachas per los dis draps et per lo dich comendatari, vista ensins le perdoa que a corregut en los dis draps et tot so que a volgut dire l'una part et sia lo dich Antony en persona del dich Honorat son frayre, coma par per l'estrument pres per m. Lois Barral e per rogation per nos facha presa per m. Johan Gilli, soes a saber que lo dic Antony Giny pague et deya pagar per rason dels sobredis draps ancaras florins des e set et grosses unze, sive florins xvij grosses xj, e lo dich Honorat Carle deya pagar e sia tengut a pagar tot so que dels dis draps seria degut a sen Guilhen Niel de Grassa, de qual los dis draps avian agus et de tot deute e autra despensa que en porria entrevenir per rason dels dis draps als dis frayres los en relevar et gardar dal dich Guilhen Niel.

Quant a la rason de quintals .v. rubs^o .lii. de lins acomendas al dich Honorat, vist la rason e profiheut d'aquels coma per una vendoa facha per Berton Carle in Malhorca en non del dich Honorat, que ha montat dever libras .xxviij. Malhorquinas, e vist del dich persent lo dich Honorat non ha agut ancars tota la dicha somma que es da pe lo dich Berthomieu, e vist que en la dicha somma non avia lo dich Carle rups viij libras xiiij de lin sieu, e vist gasan e perdre que ha corregut en los dis lins, ordenam, arbitram et sentenciam que lo dich Antony deya pagar al dich Honorat Carle, en non del dich Honorat coma de sus, florins doze et grossas nou, sive florins xij, g^O viiij, per lo dich lin, e lo dich Antony sia tengut de pagar a Segoyn certa quantitat de lin la qual avia messa en la dicha comanda, ayso reservat que los dis florins doze grosses viiij non sia tengut de pagar fins que lo dich Antony sia pagat e d'acordi ambe lo dich Berthomieu Carle de ducas xj, los quals deu aver del dich Berthomieu de la rason dels dis lins. Que si cas fossa que lo dich Antoron e son frayre per eu paguessa per lo recapte que ha Fach Rogier de sieus deniers, ordenam que lo dich Honorat Carle en pague la mitat del dich recapte, e per amor de aquot que lo dich Antoron tenga en si los dozes florins de la rason del lin fin que la dicha causa sia descutida ambe Rogier o ambe Bethomieu Carle, e descutida la causa de sen que sobreria de los florins dozes grosses viiij que lo dit, vista la present, deia refar al dich Honorat Carles. Item condempnam lo dich Honorat que pague al dich Antoron e a son frayre la mitat de florins j lo qual ha pagat a la compagnia de la nau, coma par, de que en ven grosses vj per part. Item may condempnam lo dich Honorat que pague al dich Antoron per perdo del dich lin sieu in grosses nou que li specta per sa part atocant de lo dich lin.

Item quant a una autra partida la cala mete Antoron de Vimtimilha que dis aver despendut florins dos grosses tres a Villafranca per vendre los draps, e nos vista una siua letra mandada per davant a Jorgui Raynaut los degues spedir a Honorat Carle e far a sa voluntat, e el Antoron apres facha la letra si mete a vendre los dis draps senssa comession del dich Honorat e dis aver despendut la dita sobre sobre dicha somma, de que ordenam que vist que el a passat comession que lo dich Honorat Carle non sia atengut a pagar rem de aquella partida que es florins ij et grosses iij.

Item mays ordenam nos dis compromissaris que las dichas pars deyan e sian atengudas de ratificar la dicha nostra sentencia enfra des jors pueys que ela sera notificada et aquela perpetuamentre tenir et observar, sota la pena que si conten en lo compromes.

Item mays nos reservam poyssansa de poer reconoyser, declarar et clarificar si deugun dobte o debat o deferencia venguesse en las dichas partias per occasion de sobre scrit, et de que es fach compromes en nos autres, d'aysi a sant Illari.

De et super quibus dicti compromissarii petierunt ad opus dictarum partium fieri publicum instrumentum per me notarium subscriptum. Actum Nicie in apotheca domus habita tionis mei notarii, presentibus honorabilibus viris Martino Fabri de Sancto Martino et Johanne Braveti de dicta civitate, testibus ad premissa vocatis et rogatis.

Et me Petro Nitardi notario publico etc.