Expausa lo noble Franses Baral citadin de Nissa al non de mest. Albert Conperano davant los honorables Berthomieu de Illonza, Philip Montolif et Michel de Ormea sentegues del luech de Villafranca como lo dict Conperan ho sia los sieus principals avia naulegat una nau de tonelhs uctanta jn circha de Pichardia cargua de frumens per portar alhas pars de... et passant per las mars de Villafranca et essent sorta dicta nau per lo catieu tenps soy sobre vengus sus dis cals an fach perdre dicta nau et facha den defraiguar en lo luech de Villafranca mil cest. de dict frumens in circha et ellos fas defraigar et messes en massaguins como del present son.
Et primierament Messien Frances volh vendre ho son comes dis frumens en tot ho en partida a qui los voldra conprar et dis senhors sentegues non permeton tal vendoa far ni donon liberta salhir dis frumens fora de dict luech de Villafranca a subdis ducalhs.
Requer et interpella sus dis sentegues vuelhan permetre laysar vendre et salhir dis frumens ho verament los assegurar e pilhar a sa man et pagar a dict mes. Frances ho Conperan el pres de florins quatre per cestier como publiquament si vende et se vendria se permetia salhir altrament en cas de refus dict mes. Frances a non que dessus protesta de omni dan et interesse pogues intervenir et despensa et de agir luech et temps per via de reprelhasso ho altro modo cal li sera permes de drect et de en far querella al superior et de sa resposta ho sensa li estre facha publicha scriptura disen... dict Conperan estar en la citat de Nissa per esta causa ambe son chinol. ... per tos los tors salva indicia taixario sos interesses a quatre scus del sol . . . . . .