Recort e memoria

1516-11

Mil cinc cens e seze, lo … de novembre passeron per aisit los gascons, 1500, quals venian de servir lo duc de Urbin. Los paisans li devedero lo passagie de Saorch et los vilams de la val de Lantousqua et Sant Martim garderon las montagnias de sobre Chaurols; de quals eran capitan Antoni Fabre, de Sant Martim. Qual montagna dis saudas gagneron et tuerom parels paisams et sen vengueron al Espel, e lo saquegerom. Et passeron per Nissa et logeron alla borgada e los Nissars si mutineron e li fagueron laisar las pollos en l'aste, et io lo sabi perque recontriei lo barom de Agremont et lo baron Sant Blancart en lo plan de Torenc anant a Castelana et io venent.

1521-09-29

Mil cinque cens et vint et um, lo 29 de 7^bre, monsur nostre mestre duca Charle anet visitar la infanta de Portogal, nomada Beatrix, per sa mogler, quant venget ambe bellissima armada et bellissima compagnia et riquissima en lo port de Villafranca, e los Nisars lo aneron recetar ambe bellissima compagnia, et dis Portogoses laisseron la peste a Nizzo et duret 7 ans.

1524-05

Mil cinque cens vint e quatre et del mes de mai monsur de Borbom, forisit de Fransa, passet per aisit ombe lo marquis de Pescara per anar in Provensa, et anat fins a Marsegla metre lo siegie; et lo dit an s'en tornet, sensa far rem, ambe bellisimo compagnio de 17 milia combatens, entre Spagniols, Italiams et Todesch et bela compagnia de cavalaria tra Borgognios et Franseses, et logieron defora en la borgada a l'anar et venir; et mons^r de Momoransi mareschal de Francia li venguet apres ambe 400 lansas et 2000 cavals leugiers et 2000 peatoms, et monsur de Borbom et lo marquis delogieron dellas borgadas et romperon la artigliaria che menevan la nuit in l'ort de mon segnie Joanetim Busquete.

Io avia lo cartier del pont, et dit Sig^r de Momoransi mandet un trompetta, qual mi venget a dir li appareglessam logisses et vitovaglos, autrament intraria per forssa; non li volgui respondre, mes mandi dire a monsur Franses de Chianssi nostre governador che devia respondre. Mi mandet dire che fagessa la risposta mi semblaria. Et tornant dit trompeta, nous somant como davant, li respondi che, si volia pam ho vim per son argent, che li em donariam, et che si logiessan en la borgada. Annet far sa resposta, et dit sig^r ambe la cavalaria se retireron alla porta della Marina, et dit trompeta anet al ortal, ont cominet M^r Bertomio Rocamaura, qual avia in garda d'aquel cartier; et monsig^r lo governador era en sa maison, et entre elos aneron resolver de laisar intrar dit sig^r de Momoranssi et lo sig^r Federigo di Bozoli ambe sons servitors, et li aneron dubrir lo portal della gabella, qual era gram; et intrant dit sig^r si gitet doze o vint cavals desus la porta, et la li leverom; et tot lo exercit intret en la villa et nos doneron um miech sach. Et quant mi vengui retirar en hostal, trobi lo logis pres: perche non ti fidar laisar intrar gent de guerra, tant quant porras, ni ti fidar de bellas paraudas.

1524

Mil sinque cens vint et quatre. Rei Franses passet en Itallia per contra Borbom ambe bellissima compagnia, et a Pavia foget romput et fach prisonier lo jort de Sant Matieu et, lo dit an, menat en Espagnia, 1525, et Nizza li feget un bel present a Villafranca.

1529

Mil cinque cens et vint et nou. Charles quint, imperador et rei de Spagnia, passet in Itallia sobre las galeras de Ms Andreas Doria et toquet al port de Villafranca, et Nizza li feget un bel presente de pam, vim, frochias et antorchias blanquas, et io era clavarii.

1536

Mil cinque cens et trenta siei. Dit Charles Quint, imperador, tornet de Itallia ambe millia combatens, tra Spagniols, Italliams, Todesch et infinits homer d'armas, cavals leugiers, et anet metre lo siege davant Marseglia. Et lo rei de Francia Frances s'en venget logiar en Avignion, ambe bellissima compagnia, et dit imperador s'en tornet sensa far rem, combenque agessa bella armada, per mar, de galeras et Ms Andreas Doria era lo cap.

notta che dit imperador, al retort de Provenssa, laiset aisit dos mila 2000 Spagnols de garnison, che nos tratavam mal, esent logias per ostal. Jo. de Varagat era mestre de camp, qual tenia dits soldas de sort che non fasiam tot lo mal auriam pogut far. Et lo 1537 delogierom per anar im Pimont, et dit Jo. de Varagies, quant foget sus lo pont, diget tals paraulas: Signiores de Nizza, io vos dechio che tanto porreis non deseis intrar guarnisiom in voestra tierra, che siam magior di vosotros.

1538

Mil cinque cens trenta huech. Si feget un'asemblada aisit a Nizza, ount si atrobet papa Paul et Charles quint, imperador et rei Frances, rei de Francia. Lo dit Chiarles imperador logiet a Villafranca ambe la armada, de qual lo prince Doria era cap, et lo rei Frances a Villanova ambe bellissima compagnia. Lo papa devia logiar in castel ambe gardia de Spagniols quanto causa aver intendut, los Nissars, si mutineron et si acorderom ambe los soldas [que] eram en castel, dis Savoiams et Piemontezis, disent Monsig^r de Savoia non poder donar la fortessa per la conventiom nostra ambe nostres antecessors; et si leverom totas tres las natioms, et elegeron un cap; agen uno dellos Savoisiams, fu monsur de Borgies, los Pimontezes un soldat che si disia Campagnia, los Nissars Gio. Badat. Et tengeron conselh los tres nomas ambe compagnia de autres soldas del castel, como si deviam governar; fogeron resolus de tenir la fortallessa a nome de monsur lo prinse, fil del duca Carle et madama Beatrix de Portegal, et qui seria desurpant de dittas nations, fossa gittat del baus daval, et che degum degessa anar parlar a son excellentia che non fossan tres unis de cada nassiom. Et avene, demandant son excellentia voler parlar a tos, anerom sobre lo bastiom dit Malabochia, et aqui aplichiet son eccellentia, disset tals paraulas: Mesurs, vos saves biem che je suis vostre primce et vos mes subgiets, et deves observer se que ge ai promis a sa magesté, c'est de lui remetre ceste plasse pour venir logier nostre sant pere le papa aveque sa guarde che sarà de Spagniols. Subit li goget respondut per les Nissars per selluy chi eti le chief: Monsig^r, permierament vos demande pardom et lissanse de parler. A quel la donna et dit: Monsigniur, vos savés che la citté et païs s'est donée alla maison de Savoie vos antessesurs aveque comventiom de non les poder vandro ne aliener am plus grant ne petit de vous, et anavant che vos sussesurs le volisse fere, nos sera licite nos defendre aveque les armes, quoi pansons dere. Et ce dit, tous les soldas se mirent a crier: Savoie, Savoie!, dont sorta che lo bom primpce n'a plus rihen diro, mes fuit constret se retirer dedans la eglise en una chapelle de Sant Bertomioe, et alors les trois, aveques altres quatre o sinque pour voir si la maison este provedue, et troverent chi ni avoit presche riem; et fon conclus che Jam Badat anaria alla villa, se que fes en compagnia de trois jamtils homes, et troberon los sendegues, quals li fegeron deliovrar sinque cens hutanta saques de farina et dos cens quintals de fromagies et tres cems quintals de larts; et tout, davant lo jort, fon portat davant alla porta dau castel; et dit Badat portet 590 ∇^ti per prestar allos soldas, quals non avian un denier de sa borsa, et lo tot li foget pagat per la comunitat. Et lo papo si alogiet alla Oservansa, foro della villa, tant quant dits princes fogeron aisit, demorant en armos ambe bonissime ordre; de sorto che en dit temps non si feget deguno violentio. La ecellentio de monsig^r nostre volia che ellos si vengessam logiar en lo castel; et ver giort, entres los autres, fes dire per monsur de Chuet et Brusi a Gio. Badat che anessa dire al poble che vengessam en la plassa de sant Joam o sia Sant Michel, ont avia una bellissima plassa, che sua eccellentia lur vollia parlar. Per som comandament, dit Badat anet acompagnat de dos sentegues, et fes venir tot lo poble, ecet elos che eram en gardia ambe lo tamborin et sinque ensegnias aplicas aquit. Monsur montet sobre un banquet et diguet tals paraullas: Mesiurs, vos estes mes subgiets, et je suis vostre primpce et soveraim signiur; porquoi ne volevos che ces princes logient dedans la ville et chateau? Tos ansamble respondirent: Vos estes nostre prince et soverain signiur! et feres piche taborim, et tos amsamble crierent Savoye, Savoye; viva Savoye!; et marcharent en batagle sans fere autre response, de sorte che le bon prince fu contraint se retirer au chasteau. Et la estre retirat, mandet demandar Joan Badat, quel refuset anar, per crenta della conventiom et giurament fach tra las tres nations, so ero che degun non augesto anar parlar a son ecellentio che non fosson tres, un de cado nation, Savoyam, Pimontes et Nisart, de sorto che tant sagiament foget menado la causo, che monsur foget sig^r como es, so es che non serio, si si fosio menat, autrament ero perdut tot lo rest de som pais. Essent si retirat monsur in castel, onte ero lo Pellos, mandat per sa megestat per pendre lo logis per la santitat de papo Paul et sa gardia de Spagnols acompagniat de sons sigets et servitors, onte ero Rainier baron de Buelh, mons. de Brusi, mons. de Chuet, monsur de Berro, monsur de Torretas et autre sig^rs acompagnant son ecellentia, et Pellos et Crocs, et nautres, Nisars, Savoyars et Pimontehes, dit sig^rs, Torretas, Scros et Berra diseron a Gio. Badat: Dio vueglo che de aisot sias bom merquant. La resposto de dit: sera se que Dio aura ordinat, pur che conservi la persona de nostre mestre et soveraim sig^r: quant mi degessa costar la vitta, non manquarai. Si levet un Pimontes nomat Gruat sig^r di Benete, qual disset tals paraulas: Monsig^r et voi sig^ri, le rave di Savoya et il burre di Peimont et il pisalat de Nizza an fach uno sauso che il diavol non nem mangaria. Puis, pauc apres, monsir lo prince Emanuel Filibert dicet tals paraudos: Mesurs, gardes che ne me porte dans cuque cofre sams vostre sams vostre seu […] pour être petit amfant. — Nos vos garderom biem como avons juré et ses muragles tiendrom frot et nos vies, Sussitavit spiritum Danielis. Depueis Monsig^r fit demander Gio. Badat che alesso baiser le piet au papo et che li apresentasso le cles, et li disso si se volet venir a logier dedans la villo, che il li dorret dardo de 900 soldas Nissars ben en ordre; qual Badat anet ombe conssentiment dellos autres, anet acompagnet de Bertomairone Galleam et baiset lo pet au papo, como li diset, et la resposto de sa Santitat foget che ello ero ben alogiat, pueis che monsig^r non li avia volgut donar lo castel. Io li respondi: V. S^ta non pendra a mallo part per non esser en sa man dello faire. Et ello diset: Gardate al manco non si faccia disordine alli forostieri dentro la terra, como si fava in Bolognia. Li respondi: Soa Santità non dobitasse in questo, perchè noi pensavamo solum in gardar la città et castello, perchè tal era nostro intento di non far dispiachere a nessuno, ansi protegirli.

1543

Mil cinque cens quaranta tres. Rei de Fransia, Frances, feget venir la armada del Turc, sent et utanta galeras, 180, inclus los corsaris de Argies et passeron dau mes de mai davant Nizzo, et las galliotas anerom combatre una nau, qual era de participi Nissars, entre la qual io era perticip per la quarta part, cargada de sal et autras mercansias, patronegiada per patrom Gio. Paulo Ceresa; et como valeros volget combatre, non vesent la armada, qualla era cuberta dal terrem, et las nou galleotas l'anero assaglir; et per colpa del aubre mal sigur, ausi vesent totta la armada, si rendet. Et ditta armada si retiret au port de Tollom, qual ero venguda per anar far scorta al rei Frances, qual era al procidi de Perpigniam ambe grossa compagnia; mes trobet che Carlo quinto imperador, rei de Spagnio, aget tam ben fornit dit Perpigniam, che foget forsat si retirar ambe las trombas au sac; et trobant si la dita armado allas spallas, non sabent como far, la predestinet per Nizzo ambe camp de Franceses et Italliams, quals vengom assediar Nizzo, et li meterom lo siegie ambe 25 grosses canons, quals part tiravom 109 liourios de peiro et autro de 75 liouros, oltro las collobrinos, eran acetadas alla montagna anant in Simies et sotto Momboron, quallos tiravam au castel; et bateron la villa 17 giors, la plus part alla torre de Sinc caires, et sotto Momboron quallos tiravam au castel ont es astoro lo bastiom de S. Georgi; et ferom uno brechio sobre ditta torre, tirant a miagiort, un autro de ditto torre fins al portal della Pairoliero, hont lo giort de nostro Dono de houst, noz donerom lo assaut, et per lo Nisars forom ben rebatus, non avent soldas deguns forestiers. Plus feron una aura bataria sotta lo bastiom della Pairoliera venent alla vouta dal pount, per qual si podia sortir et intrar a caval, et una autra sotta lo pont. Et al fim manderom un tamborim per nos somar si si voliam rendre; ont se retirom a Sant Frances monsur de Montfort governador de Nizza et monsur de Chastelar, coronel, et los capitanis della villa, et resolutament anerom resolver si rendre a patis et manderom monsur Onorat Martel, abat de S. Pons, per far los patis. Qual tornat, anet resolver che ambe patis si rendiam, che non si saquegariom la villa. Interim che eram a patis, intret in castel 200 Nisars che porterom tantas vitoaglias che forniron dit castel et lo garderom: autroment ero spedit et perdut, et che s'em volia anar seria a som plaser, et che si li fossa qualque capⁿⁱ che volgesso sortir ambe la insegna desplegada li serio licitti: et so fom alla requesto del cap. Badat, qual sortit ambe 500 homes, tra paisans et Nissars, ambe lo tambor et insegnia desplegada, qual portava Marquantoni Galeam son nebot; e los Franseses intrerom dintre la villa ambe los Turchs. Et davant si rendessam, fogem batus 17 giors ambe la artigliaria, et asperem dos assauts; lo gros foget aquel de nostro damo de miech aust. Despueis dits Franceses tireron l'artigliaria davant lo castel sobre los fossat[s], et fom per conselh de Bertim Boier, qual volia minar lo castel, essent si retirat au servisi de Franseses ambe Liom Lardo, qual si fasia cap. de poble et pagador per Franseses. Per che, ti disi, non ti fides de villams, perche son della rossa stirpa de Judas. Plus notta che dit bertim Boier s'era fach inginier de Franceses et Turchs, avent assetat la artigliaria als Carmes et alla Marina per batre lo pons. Dits Franseses et Turchs bateron lo castel siei giours, et non plus, per fauta de monissions. Interim venget lo secors de 2000 Itallians, de quals era cap lo sig^r Jaques S^r de Leini; passerom per Fenestras, et autres 500, quals condusia lo sig^r Audum Provana, per quals lo papo Paul paget 60 mille o sus ∇, et lo camp gros venia per Ribiera conduch per nostre duca, Carle, duc de Savoia, et venget fins alla val de Oneglia, et d'aqui monterom in Pimont; perche los dits Franseses et Turchs abandonerom la villa et meterom lo fuec als quatre cantons della villa.

La armada Turquesqua si ritiret a Tollom, ont invernet; et interim los Nissars si preparerom, et aviam per cap et coronel Erasme Gallean Doria. qual fu mandat, per imbassador dello imperador, da Genova ambe tre capitanis, dos de Itallian et uno de Todeschs.

1544

Et infra dit an, 1544, dit Erasme anet morir; et foget mandat Christofo Paravesim, Genoves, qual sen anet; et lors venget dit Sig^r Stefano Doria de Dossa Aiga encompagnat de tres compagnias et rinforset la villa, et ello ambe sa consort, en lo fortificar, portavam la coffa e nostre essemple, de sorta que ambe lur esemple et sagiessa la villa foget fortificada. Et l'an venent la armada Turquesca s'en tornet in levant, passet davant Nizza, et, pressentent lo aparat che avia fach dit sig^r, passet de lomc. Et dit sig^r coronel si portet de tal sorta al ben e util de cittadims, che ogni un lo adorava, tot al servisi del altessa monsig^r nostre.

1551

In dit temp che dit sig^r de Dossa Aiga avia lo govert, passet lo filh del rei de Romans, lo rei de Boemia ambe sa consort, figla de Carlo quinto imperator ambe belissima armada de naus et galleras; et las naus intrerom en lo port de Villafranca et ello passet de lonc ambe las galleros; et, interim che las naus se arresterom au port, monsur de Carses, cap dellas galleras Fransessas, venguet ambe 14 galleras et intret dedim lo port de Villafranca, et prenget certas naus, intre quals era una nau de Gio. de Gierro, Bescaim, capitanio, cargado de cavals janets belissimes, et los menet a Antibo, et lo rest de ditto armado sobredit sig^r Stefano Doria anet defendre ambe sas gens de terra, et recobret un vaisel hont ero un ellefant, qual fom condut a Nizzo et tirat in terro et condut in Genovo. Et in dit temps avia in Nizza tanto roubo de Provensals che valia 10 o 12 millia ∇^s, quals dit sig^r Stefano si podia piglar per sious, et ansims li era conseglat che fagessa, causa che non volgui far, disent, che comben che l'enemic li en agesse donat causa, volia oservat sa parolla como gentilhome et cavalier.

1567-05-10

Lo des de mai 36 galleras del rei Filip de Spagnia, fils de Carlo quinto imperador, passerom per aisit et portaron lo duc d'Alba ambe 3000 Spagniols per passar in Itallia, qui dis per anar in Flandres per causa della evention della novella religiom de Luturiams, che dis per Geneva, onte abitta dita nova religiom de Luterams. Dit duc d'Albo, ambe dits Spagniols, anerom in Flandres, et dit duc fes prisonier lo conte de Aigement et lo conte d'Orno, e lo feget condurre a Brussellas, et aquit li fes tagliar la testa, li dizent eram somotors del poble contra rei Filip, perche dit rei volia metre la inquesition in Flandres. notta che per una pautrona si levet tumult entre soldas et los Nissars, et tot era per lo mal ordre dellos cittadims [che] aviam lo govert della cittat, che non avian garnit las portas; onte io salti et garni, et seset dit timult sensa dam. Per il che ti laisi per ricort che, quant survendra che passe armada che venga da ponent o levant, davant arribom aisit, si auras carc que provedissas las portas de 20 archibusiers et tant de picas o allabardas, et aquellas che vorras tenir ubertas; et si non auras carga della cittat, vai atrobar aquel que aura lo govert e los sendeges, che li donom recapte; et que aquel che aura carga della porta non laisse intrar degum che porte armas d'asta ni armas de fuech; et fasent ansis temras la villa segura et in passificatiom. Lo disi perche l'ai fach et probat et vist, et per tal ordre s'es mes la cittat in reputatiom; et si servaras lo nostre ordre, en talla reputation seras tengut; car per lo bon ordre los Nissars som plus stimas che non vallom, e lo dic che l'ai provat; et si volles saber mon nom, mi apeli Gioam Badat.